பெங்களூர், பிப்.3:
பெங்களூர் லட்சுமிநாராயணபுரம் வடலூர் ஜோதி ராமலிங்கசுவாமிகள் சன்மார்க்க சங்கத்தின் 69ம் ஆண்டு விழா 7ம் தேதி துவங்குகிறது.
இதுகுறித்த செய்திக்குறிப்பு: லட்சுமிநாராயணபுரம் 5வது கிராசில் சன்மார்க்க சங்கம் உள்ளது. சங்கத்தின் 69ம் ஆண்டு விழா 142ம் ஆண்டு தைப்பூச விழா 7ம் தேதி துவங்குகிறது. சன்மார்க்க கொடியை தனபால் ஏற்றி வழிவை துவக்குகிறார். தொடர்ந்து 2நாட்கள் அருட்பா முற்றோதுதல் நிகழ்ச்சி நடைபெறுகிறது.
பிப்.9 சனிக்கிழமை மாலை 6மணிக்கு ஏழு திரை நீக்கி ஜோதிதரிசனம் நடைபெறும் விழாவுக்கு சூர்யபிரகாஷ் தலைமை வகிக்கிறார்.
பிரஹர்ஷாவின் அருட்பா நாட்டியம், கேசவதாஸ் குழுவினர் இன்னிசை நிகழ்ச்சி நடைபெறும்.
பிப்.10 ஞாயிறு காலை 5 மணிக்கு அகவல்பாராயணம், 9மணிக்கு வள்ளல் பெருமானார் திருவீதி உலா நிகழ்ச்சியை ராமலிங்கம் துவக்குகிறார். 10மணிக்கு அருட்பா சொற்பொழிவு நிகழ்ச்சி நடைபெறும். நல்லசேவிபுரம் சுப்பிரமணிய அடிகளார், கண்ணன் ஆடிகளார், திருக்கோவிலூர் சீனிவாசன் ஆகியோரது அருளுரை நிகழ்ச்சிகள் நடைபெறும்.
நிகழ்ச்சிக்கு வஜ்ஜிரவேல் தலைமை வகிக்கிறார். மதியம் அன்னதானத்தை ஜீவம்மா, கோதவரி, ஏழுமலை, ஞானவேல் துவக்கி வைக்கின்றனர். கார்த்திகேயன் நன்றி கூறுகிறார்.
